GESANG 245

1. EK GLO VAS IN GOD, DIE VADER,
   WAT ALMAGTIG, WYS EN GOED,
   AARDE EN HEMEL EENS GEMAAK HET,
   NOG BESTUUR EN TROU BEHOED. 
   DEUR HOM LEEF, BEWEEG EN IS EK,
   HY BESKIK, BESTUUR MY LOT;
   DIT VERTROU EK AAN SY LEIDING
   AS MY VADER EN MY GOD. 

2. EN EK GLO IN JESUS CHRISTUS,
   EENGEBORE SEUN VAN GOD,
   DEUR WIE ALLES IS GESKAPE,
   WOORD BY GOD EN SELF OOK GOD. 
   EK VEREER HOM SOOS DIE VADER
   BUIG MY DANKBAAR VOOR HOM NEER,
   WAT MY VRYGEKOOP, VERLOS HET -
   HOM ERKEN EK AS MY HEER. 

3. VAN DIE HEIL'GE GEES ONTVANGE
   IN DIE MAAGDELIKE SKOOT,
   MAAK HY ONDER MENSE WONING,
   EN HY STEL HOM IN ONS NOOD. 
   ONDER PONTIUS PILATUS
   HET HY SMART EN PYN GELY;
   IS GEKRUISIG EN BEGRAWE -
   HY MAAK ONS VAN SONDE VRY. 

4. OP DIE DERDE DAG HET HY WEER
   UIT DIE DODE OPGESTAAN,
   DEUR SY STERWE EN SY LEWE
   DOOD EN GRAF EN HEL VERSLAAN. 
   NA DIE HOOGSTE HEMEL HET HY
   TOT DIE VADER OPGEVAAR;
   AAN GODS REGTERHAND IN ERE,
   VOER HY HEERSKAPPY VAN DAAR. 

5. EENMAAL SAL HY OP DIE WOLKE,
   HY, DIE MENSESEUN, WééR KOM,
   OM TE OORDEEL OOR DIE DODES
   EN DIE LEWENDES ALOM, 
   ELKEEN NA SY WERK EN WANDEL;
   SO BESLIS HY OOK MY LOT,
   MAAR DIT TROOS MY: HY, MY REGTER,
   HET MY SKULD BETAAL BY GOD. 

6. EK GLO MET MY HELE WESE
   IN DIE HEIL'GE GEES AS HEER
   WAT SY KERK MET AL SY LEDE
   TROOS EN DEUR DIE WOORD REGEER. 
   HY SKENK MY SY KRAG EN LEIDING
   DAT EK HIER DIE GOEIE STRYD
   IN SY NAAM BEGIN EN EINDIG
   MET GELOOFSBLYMOEDIGHEID. 

7. EK BELY 'N KERK WAT HEILIG,
   CHRIST'LIK IS EN ALGEMEEN,
   IN GELOOF EN HOOP EN LIEFDE
   EN IN HEILSVERWAGTING ééN, 
   OOK DIE HEIL'GES SE GEMEENSKAP -
   ééN VAN SIN EN ééN VAN HART;
   DELEND IN MEKAAR SE VREUGDE,
   DELEND IN MEKAAR SE SMART. 

8. EK GLO AAN DIE SKULDVERGEWING
   DEUR DIE HEER SE MIDD'LAARSBLOED;
   IN MY EIE WERK EN WAARDE
   IS GEEN RUS VIR MY GEMOED. 
   DIT IS ALLES NET GENADE
   DAT EK NIE VERLORE GAAN;
   JA, MY VADER, JA, EK WEET DIT:
   U NEEM MY IN CHRISTUS AAN. 

9. EK BELY DAT HIERDIE LIGGAAM,
   SELFS TOT STOF EN AS VERGAAN,
   OP DIE LAASTE VAN DIE DAE
   WEER VERHEERLIK OP SAL STAAN; 
   DAN ONSTERFLIK, ONVERGANKLIK,
   KEN DIT GEEN VERDERFENIS;
   DAN IS DIT SO SKOON EN HEERLIK
   SOOS MY HEER SE LIGGAAM IS. 

10.EK VERWAG 'N EEWGE LEWE
   MY DEUR JESUS SELF BEREI -
   WAAR IN ONGEKENDE VREUGDE
   ONS VIR ALTYD BY HOM BLY - 
   LEWE SONDER SMART OF STERWE;
   VREDE WAT IN VOLHEID WAG.
   DODERYK, WAAR'S JOU OORWINNING ?
   DOOD EN SONDE, WAAR JUL MAG ? 

11.EWIG-ONBEGRYPLIK' WESE,
   VADER, SEUN EN HEIL'GE GEES,
   HEER, LEER MY U KEN AL BETER,
   U GEHOORSAAM KIND TE WEES. 
   ONS WIL SING VAN AL U LIEFDE;
   IN U WAARHEID WIL ONS JUIG.
   AMEN ! BLYE EVANGELIE !
   AMEN, BLY MY HART GETUIG !